21 кастрычніка 2022 года адбудзецца святочны канцэрт, прысвечаны 35-годдзю творчай дзейнасці кіраўніка Заслужанага аматарскага калектыву Рэспублікі Беларусь народнага ансамбля танца “Белая Русь” А.Л. Карповіча. У святочным канцэрце прымуць удзел выхаванцы і выпускнікі “Белай Русі”, сябры калектыву – Дзяржаўны акадэмічны ансамбль танца Беларусі, заслужаны аматарскі калектыў Рэспублікі Беларусь ансамбль народнага танца “Чабарок”, узорны ансамбль танца “Натхненне”, навучэнцы Мінскага дзяржаўнага каледжа мастацтваў і іншыя. Сардэчна запрашаем Вас на святочны канцэрт 21 кастрычніка 2022 года ў 17.00, які адбудзецца ў Нацыянальным цэнтры мастацкай творчасці дзяцей і моладзі па адрасе вуліца Фабрыцыуса, 5.